Літва накіравала ліст у МНС Беларусі, у якім просіць спыніць працу АЭС

Астравецкая АЭС / З архіва Еўрарадыё
Астравецкая АЭС / З архіва Еўрарадыё

Літоўская дзяржаўная інспекцыя па бяспецы атамнай энергетыкі накіравала ліст у Міністэрства па надзвычайных сітуацыях Беларусі, у якім просіць спыніць працу Астравецкай АЭС. І не эксплуатаваць яе да таго часу, пакуль не будуць вырашаны ўсе пытанні ядзернай бяспекі, паведамляе Delfi.

У Вільні заявілі, што "большасць пытанняў гарантавання ядзернай бяспекі дагэтуль не вырашаны". Літоўскі бок чакае адказаў на пастаўленыя пытанні бяспекі, звязаныя з выбарам і ацэнкай пляцоўкі, устойлівасцю абсталявання Беларускай АЭС "да сейсмічных з'яў і наступстваў авіякатастрофы буйнога камерцыйнага самалёта, выкананнем рэкамендацый па стрэс-тэстах, імавернаснай ацэнкай бяспекі, ацэнкай пажарнага рызыкі".

Літва спадзяецца атрымаць і каментар наконт здарэнняў на АЭС, пра выяўленыя дэфекты і незавершаныя працы.

Копіі ліста адпраўленыя ў МАГАТЭ, Еўракамісію, Еўрапейскую групу па наглядзе ў сферы ядзернай бяспекі і Асацыяцыю заходнееўрапейскіх органаў рэгулявання ядзернай бяспекі.

13 траўня ўпершыню ўключылі ў электрасетку другі блок БелАЭС. Яго ўвод у эксплуатацыю павінен адбыцца напрыканцы года.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі