Літоўскія мытнікі адкапалі ў расійскім цэменце беларускія цыгарэты

Літоўскія мытнікі адкапалі ў расійскім цэменце беларускія цыгарэты. Кантрабандны груз знайшлі ў грузавым цягніку, які з Беларусі ішоў у Калінінградскую вобласць РФ.

Як паведамляе літоўская Мытная крымінальная служба, цягнік праверылі на станцыі Кяна на мяжы з РБ. У двух вагонах з расійскім цэментам знайшлі схаваныя цыгарэты на больш за 60 тысяч еўра. Каб іх дастаць, мытнікі выкарысталі спецыяльныя касцюмы, у якіх капалі цэмент.