Купчына: Спадзяюся, беларусам будуць выдаваць візы ЗША ў Мінску
![Купчына: Спадзяюся, беларусам будуць выдаваць візы ЗША ў Мінску](/sites/default/files/styles/gallery_main/public/2023-08/000343_2b40a8850148f1848fda2d4ea64ac176.jpg.webp?itok=YinGvlkg)
Візіт Алаксандра Лукашэнкі ў ЗША і яго сустрэча з амерыканскім прэзідэнтам Баракам Абамай мелі вялікае значэнне для паляпшэння беларуска-амерыканскіх адносінаў. Пра гэта заявіла намесніца міністра замежных справаў Алена Купчына, адказваючы на пытанне карэспандэнта Еўрарадыё, ці можна спадзявацца на пацяпленне ў стасунках паміж дзвюма дзяржавамі.
“Мне падаецца, што магчыма не толькі спадзявацца — гэтае паляпшэнне ўжо адбываецца. І я ведаю, што на двухбаковым парадку дня ёсць такія практычныя крокі, якія будуць спрыяць нармалізацыі нашых адносінаў. Таму, натуральна, гэты візіт адыграў значную ролю”, — сказала намесніка міністра замежных справаў.
Што да магчымасці для беларусаў атрымліваць амерыканскія візы непасрэдна ў Мінску, то, Купчына спадзяецца, што “настане і такі час”.
Фота: president.gov.by