Кухар Лукашэнкі: Меркель спадабалася сала, а Аланду — дранікі (відэа)
Сталі вядомыя некаторыя падрабязнасці пра знаходжанне ў мінскім Палацы Незалежнасці лідараў "нармандскай чацвёркі".
У праграме "Цэнтральнае тэлебачанне" на тэлеканале НТВ быў паказаны сюжэт, прысвечаны мінскім перамовам лідараў Нямеччыны, Францыі, Украіны і Расіі па сітуацыі на Данбасе. У яго ўключылі аповед асабістага шэф-кухара Лукашэнкі Міхаіла. Паводле яго слоў, французскаму прэзідэнту Франсуа Аланду спадабаліся беларускія дранікі са смятанай, а канцлеру Нямеччыны Ангеле Меркель — сала.
Афіцыянтка Вольга прызналася, што кіраўнікам краін прыносілі і спіртныя напоі. Праўда, яны (асабліва Пётр Парашэнка) "супраціўляліся".
Фота: БЕЛТА
