Клічко: Сілавікі спыняць супрацьстаянне да заканчэння перамоваў з уладай
Віталь Клічко распавёў мітынгоўцам пра вынікі сваіх перамоваў з сілавікамі.
Лідар партыі "Удар" прыйшоў да мітынгоўцаў на вуліцу Грушэўскага і паведаміў пра сённяшнюю будучую сустрэчу з уладай а 13-й, паведамляе censor.net.ua.
Клічко перагаварыў з байцамі спецпадраздзялення "Беркут" і дамовіўся з імі спыніць сілавое супрацьстаянне, пакуль не скончацца перамовы з уладай. Мітынгоўцы таксама падтрымалі палітыка.
Клічко папрасіў, каб да заканчэння перамоваў не працавала катапульта і людзі не кідалі камяні.
Паводле яго словаў, перамовы працягнуцца да 20-й, пасля чаго ён вернецца на вуліцу Грушэўскага.
Акрамя гэтага, Клічко паўтарыў свае патрабаванні адносна адстаўкі ўрада.
Фота — Reuters
