Пасля абстрэлаў у Кіеве адноўлена ацяпленне — Віталь Клічко
Устаноўка ёлкі на Сафійскай плошчы ў Кіеве, 17 снежня / Reuters
Пасля абстрэлу 16 снежня ў Кіеве адноўленае ацяпленне, паведамляе мэр горада Віталь Клічко. У пятніцу расійская армія ўдарыла па Украіне больш чым 70 ракетамі. Яны ў тым ліку пашкодзілі аб'екты грамадзянскай інфраструктуры.
— Горад пасля апошніх абстрэлаў вяртае працу ўсіх сэрвісаў. У прыватнасці, цалкам аднавілі працу сістэмы цеплазабеспячэння сталіцы. Усе крыніцы цеплазабеспячэння працуюць у штатным рэжыме. На працягу дня камунальнікі будуць працаваць па асобных дамах, дзе могуць узнікаць лакальныя праблемы з цяплом, — піша Клічко.
Да вечара суботы без электрычнасці была траціна горада.
