Вы тут

Кіраўнік МЗС Украіны абверг словы Лукашэнкі з "перахопленай размовы"

Дзмітрый Кулеба / фота з яго акаўнта ў Twitter

Міністр замежных спраў Украіны Дзмітрый Кулеба заявіў, што ў яго "перахопленых размовах" з нямецкім калегам Хайка Маасам не гучала слоў, якія агучыў Аляксандр Лукашэнка.

"Ніякіх такіх слоў у нашых размовах з Хайка Маасам не гучала. Я прынцыпова супраць таго, каб "душыць Беларусь", яе бізнес і вытворчасць. Я, наадварот, за тое, каб даць Беларусі дыхаць свабодна ", — напісаў ён на сваёй старонцы ў" Твітэры ".

27 лістапада Аляксандр Лукашэнка прыехаў у 6-ю гарадскую клінічную бальніцу ў Мінску са зводкамі КДБ. І пачаў распавядаць пра тое, як заходнія палітыкі ставіліся да падзеяў у Беларусі і якія планы мелі. Лукашэнка расказваў, што Варшава фінансава падтрымлівала "беларускую рэвалюцыю", цытаваў нейкія чарговыя "перахопы". Напрыклад, размову міністра замежных спраў Украіны з нямецкім калегам.

"Лістапад месяц — цікавая пазіцыя украінцаў, я выбраў адмыслова па Украіне. Кулеба заявіў кіраўніку МЗС Нямеччыны, цытата: "Мы губляем нашы магчымасці, не прадпрымаючы рашучых мер (у Беларусі. — Еўрарадыё). Еўрасаюзу варта ўвесці найсур'ёзныя санкцыі супраць Беларусі, каб паралізаваць дзейнасць дзяржавы і бізнесу, і вытворчасцей.

Ім-то што трэба? А мы заўсёды, нават расейцы на мяне заўсёды крыўдзіліся: "Ну чаму ты украінцаў падтрымліваеш?", — сказаў Лукашэнка.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.