Кіраўнік Гомельскай вобласці наведаў войскі на мяжы з Украінай
![Іван Крупко (справа) ў намёце](/sites/default/files/styles/gallery_main/public/2024-08/11_1.jpg.webp?itok=FSTJ4vbK)
Іван Крупко (справа) ў намёце / t.me/gomel_region_gov/
Кіраўнік Гомельскага аблвыканкама Іван Крупко наведаў войскі на мяжы з Украінай. Яго прэс-служба піша, што ён пабываў у "памежных раёнах", у якіх знаходзяцца падраздзяленні Узброеных сіл РБ, адпраўленыя на "узмацненне" аховы беларуска-украінскай мяжы.
Крупко "пагутарыў з вайскоўцамі, азнаёміўся з умовамі побыту і вывучыў абстаноўку на паўднёвым аперацыйным напрамку". На адзіным апублікаваным фота відаць, што вайскоўцы жывуць у намётах.
У якім раёне пабываў у сераду Іван Крупко, не ўдакладняецца.
Нядаўна Кіеў заклікаў Мінск адвесці войскі ад мяжы з Украінай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.