Беларускія вайскоўцы шукаюць спецыялістаў з веданнем замежных моў
Беларускі вайсковец на вучэннях каля мяжы з Польшчай / t.me/modmilby/
Беларускія вайскоўцы шукаюць спецыялістаў з веданнем замежных моў. Іх цікавяць літоўская, латышская, польская і англійская мовы. Новыя вакансіі з'явіліся ў падраздзяленнях радыёэлектроннай разведкі і сувязі Узброеных сіл РБ. Такіх спецыялістаў запрашаюць для праходжання службы па кантракце, піша "Беларускі Гаюн".
Можна меркаваць, што нарошчваецца вядзенне выведкі ў дачыненні да краін NATO, якія мяжуюць з Беларуссю. А вось спецыялісты з веданнем украінскай мовы не патрабуюцца (магчыма, яны з'явіліся раней).
t.me/Hajun_BY/
