Кантроль на мяжы Расія тлумачыць барацьбой з каранавірусам
![Кантроль на мяжы Расія тлумачыць барацьбой з каранавірусам](/sites/default/files/styles/gallery_main/public/2023-08/miaza-3107.jpg.webp?itok=ViqI4uFh)
Расійскі бок узмацніў кантроль на мяжы з Беларуссю ў рамках барацьбы з каранавірусам. Такое тлумачэнне атрымала амбасада Беларусі ў Маскве, піша TUT.by. На сайце самой амбасады прэс-рэліз з гэтым тлумачэннем знік неўзабаве пасля з'яўлення.
Расійскі бок тлумачыць прынятыя меры неабходнасцю кантраляваць уезд і выезд грамадзян у рамках распараджэнняў штаба ўрада Расіі па барацьбе з каранавірусам.
Пасля таго, як у Расіі знялі абмежаванне на перасячэнне мяжы з пэўных катэгорыяў грамадзян, пасажырапаток, маўляў, вырас амаль удвая. "Па запэўненнях расійскага боку, сітуацыя выкліканая арганізацыйна-тэхнічнымі захадамі і не мае палітычнай падаплёкі. У цяперашні час расійскі бок прадпрымае меры для павелічэння прапускной здольнасці памежных пераходаў і выпраўлення сітуацыі", — гаворыцца ў паведамленні беларускай амбасады.
Аб праблемах на беларуска-расйскай мяжы стала вядома зранку 31 ліпеня. Расіяне запісвалі пашпартныя звесткі ўсіх, хто выязджаў з краіны і ўязджаў у яе. У выніку ўтварыліся чэргі з легкавых і грузавых аўтамабіляў на трасе Е30 / М1.
МЗС Беларусі сёння накіравала ноту ў Расію з просьбай патлумачыць сітуацыю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.