Кандрацьева пакінулі кіраваць футбольнай зборнай Беларусі
![Георгій Кандрацьеў / abff.by](/sites/default/files/styles/gallery_main/public/2023-08/GK.jpg.webp?itok=z7aSulJd)
Георгій Кандрацьеў / abff.by
Георгія Кандрацьева пакінулі кіраваць футбольнай зборнай Беларусі (як і галоўнага трэнера жаночай зборнай Юрыя Малеева). Такое рашэнне ў панядзелак прыняў выканкам Беларускай федэрацыі футбола.
Кандрацьеву 62 гады. Ён займае пасаду галоўнага трэнера ўжо другі раз: спачатку ў 2011-2014 гадах, пасля — з лета 2021-га (да таго некалькі месяцаў быў выканаўцам абавязкаў). Пад яго кіраўніцтвам зборная заняла перадапошняе месца ў адборы чэмпіянату Еўропы 2020 года, была апошняй у дывізіёне "С" Лігі нацый.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.