У Карпатах грузавік з беларускімі турыстамі зваліўся з вышыні ў раку

У Карпатах грузавік з беларускімі турыстамі зваліўся з вышыні ў раку

У Івана-Франкоўскай вобласці Украіны ў раку Чорны Чарамош зваліўся грузавік з людзьмі. Машына звалілася з вышыні каля 40 метраў, паведамляе Дзяржаўная служба Украіны па надзвычайных сітуацыях. 

У аўтамабілі былі турысты з Беларусі. МЗС Беларусі пацвердзіў гібель траіх чалавек, а таксама паведаміў, што васмёра пасажыраў грузавіка застаюцца ў лякарні:

У Карпатах грузавік з беларускімі турыстамі зваліўся з вышыні ў раку

Трагедыя адбылася 6 траўня каля 11-й гадзіны раніцы. У аўтамабілі ехалі 24 чалавекі — 23 турысты і кіроўца. Як інфармуе Нацыянальная паліцыя, турысты збіраліся зладзіць сплаў па рэчцы і накіроўваліся да месца прызначэння. З якой прычыны грузавік апынуўся ў рацэ, пакуль не вядома.

Падчас пошукаў былі знойдзеныя целы траіх чалавек без прыкметаў жыцця — мужчыны, які быў кіраўніком групы, і дзвюх жанчын. Ратавальнікі паведамілі, што яны выратавалі трох чалавек, а 16 выратаваліся самастойна. "Лёс аднаго чалавека застаецца невядомым. Пошукава-выратавальныя працы працягваюцца", — гаворыцца ў паведамленні.

У Карпатах грузавік з беларускімі турыстамі зваліўся з вышыні ў раку
if.npu.gov.ua

Апошнія навіны

Галоўнае

Выбар рэдакцыі