Google забараніў беларусам загружаць і абнаўляць платныя дадаткі ў Play Store
![Google забараніў беларусам загружаць і абнаўляць платныя дадаткі ў Play Store](/sites/default/files/styles/gallery_main/public/2023-08/google-1805.jpg.webp?itok=dl_aI8w9)
Кампанія Google забараніла беларусам загружаць і абнаўляць платныя дадаткі ў Play Store, піша devby.io.
Расіянам Google яшчэ 10 сакавіка заблакавала магчымасць платных падпісак, платных дадаткаў і лічбавых тавараў унутры іх. Гэтая мера была ўведзеная ў сувязі з антываеннымі санкцыямі.
5 мая Google перастала размяшчаць у фірмовай краме новыя платныя праграмы-дадаткі, створаныя расіянамі, і абнаўленні да ўжо наяўных. Цяпер такія ж захады прынятыя супраць распрацоўшчыкаў і карыстальнікаў з Беларусі.
Беларусы не змогуць абнавіць платныя дадаткі і атрымаць іх новыя функцыі. Праўда, у адрозненне ад расіян жыхары Беларусі могуць рабіць унутраныя пакупкі і афармляць падпіскі на бясплатныя праграмы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.