"Гавары праўду" заявіла, што гатовая да прэзідэнцкіх выбараў

Кампанія мае на ўвазе сацыяльныя праграмы і акцыі, якія "Гавары праўду" праводзіць цягам чатырох гадоў у шэрагу гарадоў Беларусі: Брэсце, Віцебску, Оршы, Магілёве, Слуцку, Мікашэвічах і іншых гарадах. У залежнасці ад патрэбаў рэгіёнаў гэта былі зборы подпісаў, звароты ў выканаўчыя структуры ўлады і іншыя акцыі, якія мясцоваму насельніцтву дапамагалі арганізаваць актывісты кампаніі. Гэтая праца скіраваная на вырашэнне надзённых побытавых пытанняў і праблемаў — рамонт дарог, захаванне сацыяльных аб’ектаў, стварэнне мясцовай інфраструктуры ды іншае.

Як паведаміў у каментары Радыё "Свабода" адзін з лідараў кампаніі Андрэй Дзмітрыеў, прэзентацыя "Рэгіянальных праектаў" — вынік чатырохгадовай працы кампаніі "Гавары праўду" па двух кірунках: перамены на месцы і перамены ў краіне. Яны ўвасобленыя ў праектах "Грамадзянская дамова" і "Народны рэферэндум".

Па словах Дзмітрыева, кандыдат ад "Народнага рэферэндуму" прапануе на будучых выбарах змены, бо ведае, чаго чакаюць людзі. 

Паводле Дзмітрыева, кампанія "Гавары праўду" гатовая да прэзідэнцкіх выбараў, у тым ліку праз праект "Народны рэферэндум". За яго правядзенне сабрана 50 тысяч подпісаў грамадзян. Цяпер актывісты кампаніі спрабуюць дамагчыся, каб Палата прадстаўнікоў прыняла рашэнне аб правядзенні "Народнага рэферэндуму".

Апошнія навіны

Галоўнае

Выбар рэдакцыі