Гандлявалі пратэрмінаваным — МАРГ закрыў прадуктовую краму ў Гомелі

У Гомелі закрылі прыватную краму "Далікатэс-прадукт". Рашэнне было прынятае па выніках некалькіх праверак, якую правялі прадстаўнікі Міністэрства антыманапольнага рэгулявання і гандлю. Правяральнікі выявілі адразу некалькі парушэнняў. Па-першае, "да рэалізацыі прапаноўваўся тавар са скончаным тэрмінам прыдатнасці", расказалі ў МАРГ. Акрамя таго, на таварах не было ўсёй неабходнай маркіроўкі. Узніклі ў правяральнікаў пытанні і да асартыменту. "Асартыментны пералік абавязковых тавараў не выконваўся на 40,8 %", — растлумачылі ў МАРГ.

Паколькі парушэнні, якія былі раней выяўленыя ў гэтай краме, так і не ліквідавалі, было прынятае рашэнне прыпыніць працу крамы да 3 жніўня.