Футбольная зборная Беларусі захавала ў рэйтынгу FIFA 78-ю пазіцыю

Футбольная зборная Беларусі захавала ў рэйтынгу FIFA 78-ю пазіцыю. Яго абноўлены варыянт з’явіўся ў чацвер, 4 траўня. Беларусь дзеліць 78-е месца разам са зборнай Кеніі, у іх па 428 ачкоў.

За мінулы месяц дружына Ігара Крывушэнкі не праводзіла матчы. Бліжэйшая сустрэча пройдзе 1 чэрвеня ў гасцях са Швейцарыяй. Але гэта будзе таварыскі матч, бліжэйшы афіцыйны паядынак пройдзе 9 чэрвеня на “Барысаў-Арэне” з балгарамі.

Сярод лідараў рэйтынгу зменаў не адбылося: Бразілія, Аргентына, Германія, Чылі, Калумбія.