ФК БАТЭ не гуляе на "Барысаў-Арэне", бо дорага
Стадыён "Барысаў-Арэна" / ptm.by
Сёлета футбольны клуб БАТЭ яшчэ ні разу не гуляў на "Барысаў-Арэне", заўважыла Tribuna.com.
Хатнія паядынкі каманда праводзіць на гарадскім стадыёне ў Барысаве.
Гэта звязана з тым, што арэнда барысаўскага стадыёна абыходзіцца больш танна. За арэнду гарадскога стадыёна на адзін матч даводзіцца плаціць каля трох тысяч рублёў, а за "Барысаў-Арэну" — 8500.
Апошні матч на "Барысаў-Арэне" прайшоў 6 лістапада 2022 года. Тады БАТЭ выйграла ў "Мінска" з лікам 3:2. З таго часу стадыён стаіць зачынены.
