Еўрасаюз даў Літве сродкі на барацьбу з афрыканскай чумой
Праўда, амаль у 10 разоў менш, чым прасіла гэтая краіна.
Сёлета ЕС выдзеліць нашай суседцы каля 1,5 млн еўра дапамогі для прадухілення распаўсюджвання афрыканскай чумы свіней з тэрыторыі Беларусі. Раней Літва прасіла на гэтыя мэты дапамогу ў памеры 13,5 млн еўра.
Акрамя таго дапамогу ад Еўрасаюза ў барацьбе з хваробай таксама атрымаюць Польшча, Латвія і Эстонія, паведамляе Delfi.
У сваю чаргу прэм'ер Літвы Альгірдас Буткявічус заявіў, што пасля згаданай фінансавай дапамогі не будзе патрэбы ўводзіць збор за дэзінфекцыю транспартных сродкаў на мяжы з Беларуссю.
