Еўракамісія аштрафавала Google на 1,49 млрд еўра
Еўракамісія аштрафавала Google на 1,49 млрд еўра. Такому рашэнню папярэднічала працяглае расследаванне фактаў парушэння еўрапейскіх нормаў канкурэнцыі пры размяшчэнні рэкламы (антыманапольных правілаў), інфармуе прэс-служба Еўракамісіі.
Высветлілася, што з 2006-га амерыканская кампанія абмяжоўвала кантракты на рэкламу канкурэнтаў: Google заключаў дамовы з іншымі сайтамі і забараняў канкурэнтам размяшчаць рэкламу ў іх пошукавых выдачах.
Гэта не першы такі штраф, які Google атрымлівае ад Еўракамісіі. У 2017 годзе кампанія была пакарана штрафам на суму 2,42 млрд еўра за парушэнні ў працы на рынку пошукавых сістэм.
