Эканамічныя сектаральныя санкцыі супраць Беларусі могуць увесці ў бліжэйшыя дні
Эканамічныя сектаральныя санкцыі супраць Беларусі могуць увесці ўжо ў бліжэйшыя дні, паведамляе ТАСС са спасылкай на сваю крыніцу ў Бруселі. Пакет згаданых санкцый узгадніў камітэт пастаянных прадстаўнікоў ЕС. Гаворка ідзе пра прадукты нафтаперапрацоўкі, фінансавы сектар, экспарт калійных угнаенняў.
На 24-25 чэрвеня прызначаны саміт ЕС. Да яго пасяджэння эканамічныя сектаральныя санкцыі "будуць зацверджаны Саветам ЕС па пісьмовай працэдуры".
Еўрапейскі аглядальнік Радыё Свабодная Еўропа/Радыё Свабода Рыкард Юзвяк напісаў у Twitter, што пісьмовая працэдура мусіць быць завершаная ў чацвер. Гэта азначае, што ўжо ўвечары 24 чэрвеня дакумент апублікуюць у Афіцыйным часопісе ЕС.
EU ambassadors have just given green light to sectoral sanctions against #Belarus. A so-called "written procedure" starts soon and should be finished tomorrow meaning that the sanctions could be published in the EU official journal tomorrow late afternoon.
— Rikard Jozwiak (@RikardJozwiak) June 23, 2021
