"Е-дастаўка" адмяніла зніжку для людзей з інваліднасцю

Е-дастаўка / OL

Сэрвіс "Е-дастаўка" адмяніў зніжку на тавары для пакупнікоў з інваліднасцю, піша zerkalo.io.

Раней для інвалідаў 1-й, 2-й і 3-й групы на ўсе тавары была зніжка ў 5%. "Зніжка працавала гадоў дзесяць. Пасля рэгулявання коштаў прыкметна ўпаў асартымент у гэтай інтэрнэт-краме", — паведаміў рэдакцыі адзін з чытачоў.

У афіцыйным акаўнце "Е-дастаўкі" ў Instagram яму завілі, што зніжка была адмененая месяц-два таму.

У кантакт-цэнтры "Е-дастаўкі" кажуць, што для людзей з інваліднасцю і пенсіянераў па ўзросце дзейнічае паніжаная мінімальная сума заказу для бясплатнай дастаўкі — 35 рублёў. (У Мінску мінімальная сума дастаўкі складае 55 рублёў, у астатніх гарадах — 90.)

Пасля ўвядзення новай сістэмы рэгулявання цэн "Е-дастаўка" была недаступная з 1 па 11 лістапада. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.