Дзяржсакратар ЗША Блінкен асудзіў прысуды Калеснікавай і Знаку
![Дзяржсакратар ЗША Блінкен асудзіў прысуды Калеснікавай і Знаку](/sites/default/files/styles/gallery_main/public/2023-08/kaliesnikava-0609.jpg.webp?itok=UcasfiWV)
Дзяржаўны сакратар ЗША Энтані Блінкен асудзіў прысуд Марыі Калеснікавай і Максіму Знаку.
У сваім акаўнце ў Твітары кіраўнік амерыканскай дыпламатыі заклікаў да вызвалення палітвязняў:
"Асуджэнне і прысуды лідарам беларускай апазіцыі Марыі Калеснікавай і Максіму Знаку несправядлівыя. Мы заклікаем да іх неадкладнага і безумоўнага вызвалення, а таксама да вызвалення ўсіх іншых палітычных зняволеных, якія ўтрымліваюцца рэжымам Лукашэнкі".
6 верасня пасля месяца разгляду крымінальнай справы суд прысудзіў каардынатарцы штаба Віктара Бабарыкі на выбарах 2020 года Марыі Калеснікавай 11 гадоў пазбаўлення волі, а юрысту штаба Максіму Знаку — 10 гадоў.
Іх вінавацілі па трох артыкулах Крымінальнага кодэкса: "змова з мэтай захопу дзяржаўнай улады" (ч. 1 арт. 357), "заклікі да дзеянняў, скіраваных на нанясенне шкоды нацыянальнай бяспецы краіны" (ч. 3 арт. 361), "стварэнне экстрэмісцкага фарміравання" (ч. 1 арт. 361-1). Ні Калеснікава ні Знак не прызналі сябе вінаватымі ні па адным з абвнавачанняў.
The convictions and sentences of Belarusian opposition leaders Maria Kalesnikava and Maksim Znak are unjust. We call for their immediate, unconditional release and for that of all other political prisoners held by the Lukashenka regime.
— Secretary Antony Blinken (@SecBlinken) September 6, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.