Дзмітрый Шэпелеў сышоў з расійскага "Першага" тэлеканала

Тэлевядоўца Дзмітрый Шэпелеў сышоў з расійскага "Першага" тэлеканала. Пра гэта ён паведаміў у сваім акаўнце ў Instagram. 

"Сёння мы прынялі рашэнне, што нашы шляхі разыходзяцца. Я больш не працую на Першым. Гэта няпросты выбар, зроблены па ўзаемнай згодзе. Яму не папярэднічалі ні канфлікты, ні ўзаемныя прэтэнзіі", — напісаў вядоўца. 

Шэпелеў працаваў на "Першым" канале з 2008 года. Ён вёў праграмы "ДОстояние РЕспублики", "Прывітанне, дзяўчынкі!" і "Хвіліна славы", а таксама ток-шоу "На самой справе".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.