Два "рэйкавыя партызаны" з Бабруйска асуджаны на 22 гады зняволення
![Уладзімір Аўрамцаў, Яўген Мінкевіч і Дзмітрый Клімаў / spring96.org](/sites/default/files/styles/gallery_main/public/2023-08/partyzany_babruisk22.jpg.webp?itok=noDfGmHM)
Уладзімір Аўрамцаў, Яўген Мінкевіч і Дзмітрый Клімаў / spring96.org
Агучаны прысуд тром "рэйкавым партызанам" з Бабруйска. Іх затрымалі ў ноч на 30 сакавіка 2022-га. Сілавікі адкрывалі агонь на паражэнне, адзін з групы быў паранены ў нагу. Дзмітрый Клімаў і Уладзімір Аўрамцаў асуджаны на 22 гады пазбаўлення волі кожны, Яўген Мінкевіч — на 1,5 года зняволення, трапіў пад амністыю і ўжо адбыў тэрмін.
Беларускія праваабаронцы яшчэ раней прызналі іх палітвязнямі.
Крымінальная справа разглядалася ў закрытым ржыме. Магілёўскі абласны суд (суддзя — Ігар Шведаў) прызнаў "рэйкавых партызан" вінаватымі па шасці артыкулах Крымінальнага кодэксу, у тым ліку ў "тэрарызме" і "здрадзе радзіме" — у правядзенні акцыі пад Асіповічамі, дзе былі спалены дзве рэлейныя шафы сігнальнай устаноўкі на чыгунцы. Схапілі ж іх падчас падрыхтоўкі да новай дыверсіі (паранены быў Клімаў). Беларускія "рэйкавыя партызаны" дапамагалі Украіне, ствараючы перашкоды для транспартавання па чыгунцы ў Беларусі расійскіх войск і тэхнікі. Пра іх летась пісалі многія сусветныя СМІ.
Аўрамцаў вучыўся ў бабруйскім вучылішчы алімпійскага рэзерву, працаваў трэнерам у фітнес-цэнтры. Клімаў у 2017-2018 гадах працаваў у Калінкавіцкім дэпартаменце аховы, быў прапаршчыкам міліцыі, пазней звольніўся, працаваў таксістам і кіроўцам. Мінкевіч скончыў вучылішча алімпійскага рэзерву, працаваў санітарам у хуткай дапамозе, пазней быў таксістам.
![Два "рэйкавыя партызаны" з Бабруйска асуджаны на 22 гады зняволення](/sites/default/files/styles/default_image_paragraph/public/paragraphs/image/a1_1_1.jpg.webp?itok=HSY3c-rU)
![Два "рэйкавыя партызаны" з Бабруйска асуджаны на 22 гады зняволення](/sites/default/files/styles/default_image_paragraph/public/paragraphs/image/a2_1_1.jpg.webp?itok=cUHHKogC)
![Два "рэйкавыя партызаны" з Бабруйска асуджаны на 22 гады зняволення](/sites/default/files/styles/default_image_paragraph/public/paragraphs/image/a31_1.jpg.webp?itok=sqrEGU6L)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.