Два грузавікі з кантрабанднымі цыгарэтамі з Беларусі затрымалі ў Расіі
![Беларуская цыгарэтная кантрабанда ў Расіі / ctu.customs.gov.ru](/sites/default/files/styles/gallery_main/public/2023-09/kantrabanda-0109-3.jpg.webp?itok=r5kIgCep)
Беларуская цыгарэтная кантрабанда ў Расіі / ctu.customs.gov.ru / ctu.customs.gov.ru
Два грузавікі з беларускімі кантрабанднымі цыгарэтамі затрымалі расійскія мытнікі сумесна з памежнікамі ў Вяліжскім раёне Смаленскай вобласці.
У суправаджальных дакументах гаварылася, што фуры вязуць з Мінска ў Санкт-Пецярбург чахлы для аўтамабіляў, офісныя прыналежнасці, аднаразовыя мяшкі, аксэсуары для прыбіральні і ваннаў, вырабленыя ў Беларусі.
Замест заяўленых таварыў мытнікі выявілі больш за 490 тысяч пачкаў беларускіх цыгарэтаў без расійскіх акцызных марак. Груз ацэньваецца ў 600 тысяч долараў.
У Расіі за перавозку тытунёвых вырабаў без акцызных марак прадугледжваецца крымінальная адказнасць.
Беларуская цыгарэтная кантрабанда называлася адной з прычынаў таго, што Літва зачыніла два памежныя з Беларуссю пункты — Шумскас і Цвярачус.
![Два грузавікі з кантрабанднымі цыгарэтамі з Беларусі затрымалі ў Расіі](/sites/default/files/styles/default_image_paragraph/public/paragraphs/image/kantrabanda-0109-1.jpg.webp?itok=thgCVRoT)
![Два грузавікі з кантрабанднымі цыгарэтамі з Беларусі затрымалі ў Расіі](/sites/default/files/styles/default_image_paragraph/public/paragraphs/image/kantrabanda-0109-2.jpg.webp?itok=-uNB7nU-)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.