Два гродзенцы абрабавалі ламбард

Як інфармуе БелаПАН са словаў міліцыянтаў, нападнікі звязалі работніцу ламбарда скотчам, заляпілі ёй рот, аднак яна змагла націснуць трывожную кнопку. Нарад дэпартамента аховы аператыўна прыбыў на месца і затрымаў аднаго са злачынцаў.





Да затрымання злачынцы паспелі забраць больш за 30 залатых вырабаў — завушніцы, ланцужкі, бранзалеты, пярсцёнкі ды інш. Сума скрадзенага склала больш за 35 мільёнаў рублёў.





Другога нападніка затрымалі пазней. Лавіў яго ўвесь гродзенскі гарнізон. Пры затрыманні зламыснік супраціву не аказаў.





Аднаму з затрыманых 30 гадоў, другому — 42, раней ён быў асуджаны за разбой. Усе выкрадзеныя каштоўнасці вернутыя ў ламбард.





Фота — ishodnikiua.ltalk.ru