Дажджы і да +9 будзе на выходных

Дажджы і да +9 будзе на выходных

У суботу, 1 лютага, у Беларусі будзе пераважаць воблачнае надвор'е, паведамляе Белгідрамет. 

Уначы ў асобных раёнах пройдуць невялікія ападкі — мокры снег, дождж. Удзень на большай частцы тэрыторыі прагназуюцца дажджы. Месцамі чакаецца туман, уначы і зранку слабы галалёд, на асобных участках дарог — галалёдзіца. Вецер будзе паўднёва-заходні — уначы слабы, удзень умераны. 

Уначы тэмпература паветра будзе ад -2 да +4. Удзень паветра прагрэецца да 1-7 вышэй за нуль, па паўднёвым захадзе чакаецца да 9 градусаў цяпла.

2 лютага захаваецца воблачнае надвор'е. Часам пройдуць дажджы. Месцамі будзе слабы туман, уначы па ўсходзе — слабы галалёд. Вецер прагназуецца заходняй чвэрці парывісты, раніцай і днём месцамі (пераважна па паўднёвым захадзе) — моцны парывісты. 

Уначы будзе ад 0 па ўсходзе да +8 па паўднёвым захадзе краіны. Удзень чакаецца 3-9 са знакам "плюс".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі