Дактары распавялі пра стан беларускі, якую спрабавалі забіць у Варшаве
![Беларуска, якую згвалтавалі і спрабавалі забіць у Варшаве](/sites/default/files/styles/gallery_main/public/2024-02/liza-2802.jpg.webp?itok=4drcJhu4)
Беларуска, якую згвалтавалі і спрабавалі забіць у Варшаве / pomagam.pl
Лекары распавялі пра стан беларускі, якую ў гэтыя выходныя згвалтавалі і спрабавалі забіць у Варшаве. Па іх словах, пацыентка ў крытычным стане, піша onet.pl.
"Да гэтага часу робяцца спробы выратаваць яе жыццё, якое ўсё яшчэ знаходзіцца ў небяспецы", — кажа Барбара Мяткоўска, прэс-сакратарка бальніцы, у якой ратуюць дзяўчыну.
Паводле інфармацыі журналістаў, дзяўчына дагэтуль на апараце штучнай вентыляцыі лёгкіх.
"Мы не можам распавядаць пра хаду лячэння. Але я магу запэўніць вас, што пацыентка знаходзіцца пад вельмі дбайнай і клапатлівай апекай бальніцы і атрымлівае ўсе неабходнае", — дадае прадстаўніца лякарні.
На беларуску ў ноч на нядзелю ў цэнтры Варшавы напаў мясцовы жыхар. Ён згвалтаваў і спрабаваў задушыць дзяўчыну. Яе ў крытычным стане даставілі ў рэанімацыю.
Нападніка знайшлі і затрымалі. Яму пагражае пажыццёвае зняволенне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.