Ці перажывуць беларускі бізнес і эканоміка выпрабаванне каранавірусам?
Закрытыя межы, падзенне курса нацыянальнай валюты, рост складскіх запасаў і зніжэнне эканамічнай актыўнасці — усё гэта мы назіраем ужо сёння. Эканамісты ў адзін голас кажуць пра чарговы эканамічны крызіс. Праўда, ніхто з іх не бярэцца прадказваць, наколькі ён будзе глыбокі. Але ёсць і тыя, хто не выключае магчымасці такой глыбіні крызісу, якая прымусіць урад краіны аб’явіць дэфолт.
Ці сапраўды песімістычная прагнозы апраўданыя? Што чакае ў найбліжэйшы час беларускі бізнес і эканоміку краіны? Ці здольная дзяржава падтрымаць бізнес у складаны час?
На гэтыя ды іншыя пытанні ў жывым эфіры Еўрарадыё адказвае кіраўнік Мінскага саюза прадпрымальнікаў і працадаўцаў Уладзімір Карагін.
