Чаму кілбасы на Камароўцы захоўваюць у жалезных кантэйнерах пад сонцам?
Журналіст Еўрапейскага радыё адправіўся на Камароўскі
рынак, каб на свае вочы пабачыць, як там захоўваюцца кілбасы ў такую спёку. На першы погляд, на крытым рынку, дзе гандлююць
кілбасамі, з санітарнымі нормамі ўсё добра. Прадавачкі ў адзін голас гавораць,
што “мяса захоўваецца ў лядоўнях”:
“У нас мяса толькі сёння прывезлі. А звычайна мяса знаходзіцца ў лядоўнях”.
Але ж дзе знаходзяцца тыя лядоўні? Час ад часу мажныя хлопцы ў спецвопратцы падвозяць кілбасы. Я прасачыў іх шлях і выйшаў ва ўнутраны дворык Камароўскага рынку. Там на самай спёцы стаяць металічныя кантэйнеры. Адсюль грузчыкі і падвозяць на крыты рынак кілбасы.
Зрабіўшы некалькі фотаздымкаў гэтых “лядоўняў”, я паспрабаваў пагаварыць з людзьмі, якія займаліся разгрузкай кілбасы. Адразу ж з’явіліся прадстаўнікі міліцыі, якія давялі, што паглядзець на ўмовы захоўвання мясных вырабаў нельга.
Пра гэтыя ўмовы захоўвання Еўрапейскаму радыё расказала загадчыца лабараторыі санітарна-ветэрынарнай бяспекі Камароўскага рынку Наталля Белая:
“Калі гэта тычыцца свініны, то тэмпература павінна быць у межах 0 – мінус 1. У прынцыпе, у гэтым дыяпазоне павінна вытрымлівацца ўсё мяса. Адзіная тэмпература павінна быць пры транспартаванні, захаванні і рэалізацыі”.
На пытанне, а што ж гэта за металічныя кантэйнеры ва ўнутраным дворыку, Наталля Белая адказала, што там таксама “мясныя” лядоўні.
“Там складское памяшканне і халадзільная камера. Там ёсць спецыяльнае памяшканне для захоўвання дэзраствору, мыечнага абсталявання, вёдзер, анучак і гэтак далей. Наступнае памяшканне - халадзільная камера для мясных вырабаў”.
На наступны дзень карэспандэнт Еўрарадыё разам з загадчыцай аддзела гігіены харчавання Цэнтра гігіены Аленай Шэметавай наведалі Камароўку. Нас не чакалі, візітам былі здзіўленыя. Гаспадары без пытанняў адчынялі дзверы кантэйнераў і паказвалі градуснікі.
Алена Шэметава: “Вось тут тэмпература мінус 16 градусаў. Захоўваецца свежазамарожаная рыба. У прынцыпе, для гэтага тавару нармальна. Камера чыстая, і пытанняў да яе няма”.
Абышоўшы ўсе кантэйнеры, загадчыца аддзела гігіены харчавання зрабіла свае высновы:
Алена Шэметава: “Асноўныя прэтэнзіі па сантэхстане. Па тэмпературным рэжыме — адзінкавыя заўвагі невыканання”.
Было яшчэ некалькі заўваг па вышыні паддонаў, на якія ставяць скрыні з таварам у кантэйнерах. У большасці выпадкаў яны вельмі нізкія, а павінны быць 15 сантыметраў у вышыню.
Што ж тычыцца праверак, то, як сказала кіраўніца змены службы арганізацыі рынкавага гандлю Жана Шкурынава, іх у кантэйнерах адміністрацыя рынку ладзіць амаль штодня.
Жана Шкурынава: “У нас рэвізійны аддзел працуе. Яны могуць і ў 7, і 8, і ў 9 гадзін праверыць. Калі ёсць парушэнні — караем. Але калі б было вельмі шмат, нас бы ўжо даўно зачынілі”.
Урэшце я пабачыў на ўласныя вочы, што з сябе ўяўляюць кантэйнеры-лядоўні, уся таямнічасць вакол іх знікла, і стала незразумелай тая сакрэтнасць, якую вакол іх навялі. Тым больш, што, як стала вядома Еўрапейскаму радыё, ужо прынята рашэнне іх прыбраць увогуле. На гэтым месцы пабудуюць сапраўднае халадзільнае сховішча.
“У нас мяса толькі сёння прывезлі. А звычайна мяса знаходзіцца ў лядоўнях”.
Але ж дзе знаходзяцца тыя лядоўні? Час ад часу мажныя хлопцы ў спецвопратцы падвозяць кілбасы. Я прасачыў іх шлях і выйшаў ва ўнутраны дворык Камароўскага рынку. Там на самай спёцы стаяць металічныя кантэйнеры. Адсюль грузчыкі і падвозяць на крыты рынак кілбасы.
Зрабіўшы некалькі фотаздымкаў гэтых “лядоўняў”, я паспрабаваў пагаварыць з людзьмі, якія займаліся разгрузкай кілбасы. Адразу ж з’явіліся прадстаўнікі міліцыі, якія давялі, што паглядзець на ўмовы захоўвання мясных вырабаў нельга.
Пра гэтыя ўмовы захоўвання Еўрапейскаму радыё расказала загадчыца лабараторыі санітарна-ветэрынарнай бяспекі Камароўскага рынку Наталля Белая:
“Калі гэта тычыцца свініны, то тэмпература павінна быць у межах 0 – мінус 1. У прынцыпе, у гэтым дыяпазоне павінна вытрымлівацца ўсё мяса. Адзіная тэмпература павінна быць пры транспартаванні, захаванні і рэалізацыі”.
На пытанне, а што ж гэта за металічныя кантэйнеры ва ўнутраным дворыку, Наталля Белая адказала, што там таксама “мясныя” лядоўні.
“Там складское памяшканне і халадзільная камера. Там ёсць спецыяльнае памяшканне для захоўвання дэзраствору, мыечнага абсталявання, вёдзер, анучак і гэтак далей. Наступнае памяшканне - халадзільная камера для мясных вырабаў”.
На наступны дзень карэспандэнт Еўрарадыё разам з загадчыцай аддзела гігіены харчавання Цэнтра гігіены Аленай Шэметавай наведалі Камароўку. Нас не чакалі, візітам былі здзіўленыя. Гаспадары без пытанняў адчынялі дзверы кантэйнераў і паказвалі градуснікі.
Алена Шэметава: “Вось тут тэмпература мінус 16 градусаў. Захоўваецца свежазамарожаная рыба. У прынцыпе, для гэтага тавару нармальна. Камера чыстая, і пытанняў да яе няма”.
Абышоўшы ўсе кантэйнеры, загадчыца аддзела гігіены харчавання зрабіла свае высновы:
Алена Шэметава: “Асноўныя прэтэнзіі па сантэхстане. Па тэмпературным рэжыме — адзінкавыя заўвагі невыканання”.
Было яшчэ некалькі заўваг па вышыні паддонаў, на якія ставяць скрыні з таварам у кантэйнерах. У большасці выпадкаў яны вельмі нізкія, а павінны быць 15 сантыметраў у вышыню.
Што ж тычыцца праверак, то, як сказала кіраўніца змены службы арганізацыі рынкавага гандлю Жана Шкурынава, іх у кантэйнерах адміністрацыя рынку ладзіць амаль штодня.
Жана Шкурынава: “У нас рэвізійны аддзел працуе. Яны могуць і ў 7, і 8, і ў 9 гадзін праверыць. Калі ёсць парушэнні — караем. Але калі б было вельмі шмат, нас бы ўжо даўно зачынілі”.
Урэшце я пабачыў на ўласныя вочы, што з сябе ўяўляюць кантэйнеры-лядоўні, уся таямнічасць вакол іх знікла, і стала незразумелай тая сакрэтнасць, якую вакол іх навялі. Тым больш, што, як стала вядома Еўрапейскаму радыё, ужо прынята рашэнне іх прыбраць увогуле. На гэтым месцы пабудуюць сапраўднае халадзільнае сховішча.
