У Беларусі чакаецца марознае надвор'е без ападкаў
У аўторак, 27 лістапада, чакаецца воблачнае з праясненнямі надвор'е. паведамляе Белгідрамет.
Будзе пераважна без ападкаў, толькі месцамі па паўночным усходзе краіны прагназуецца невялікі снег. Уначы і зранку месцамі слабы туман. На асобных участках дарог галалёдзіца. Вецер будзе паўночна-заходні слабы да ўмеранага.
Уначы тэмпература паветра чакаецца ад 3 да 9 градусаў марозу, пры праясненнях будзе 10-12 ніжэй за нуль. Удзень прагназуецца 0...-6.
28-29 лістапада ў Беларусь з Літвы прыйдзе халодны скандынаўскі антыцыклон.
28 лістапада істотных ападкаў не прагназуецца . На асобных участках дарог чакаецца галалёдзіца. Вецер будзе паўночны слабы.
Уначы прагназуецца 5-11 са знакам "мінус", пры праясненнях да 14 ніжэй за нуль. Удзень чакаецца 1-7 градусаў марозу.
29 лістапада таксама істотных ападкаў не чакаецца. На асобных участках дарог будзе галалёдзіца. Вецер уначы слабы, удзень паўднёва-ўсходні ўмераны.
Тэмпература паветра ўначы будзе ад 8 да 15 градусаў марозу, месцамі да -18. Удзень прагназуецца -2...-9.
