Brutto прадставілі чарговы рэвалюцыйны хіт (слухаць)

Brutto і Сяргей Міхалок прадставілі дэма-версію новага сінгла "Гарри", які працягвае "рэвалюцыйную" серыю песень гурта, нядаўна распачатую сінглам "Будзь смелым". У аснове трэка — народная шатландская песня, вырашаная ў стылістыцы сэлцік-панк, з дапамогай якой можна правесці аналогіі з нашымі славянскімі рэаліямі, мяркуюць музыкі.

"Мы адмыслова не расстаўляем акцэнты, хто па-нашаму Гары, а хто — Дзікая Сабака — дачакаемся каментарыяў. Бо, як кажа руская народная прымаўка, "на злодзеі і шапка гарыць", — заяўляюць артысты.