Брэсцкія мытнікі выявілі ў рэйсавым аўтобусе амаль паўтоны сыру
Брэсцкія мытнікі выявілі ў рэйсавым аўтобусе больш за 450 кг сыру, паведамляе прэс-служба Мытнага камітэта.
Сыр быў схаваны ў тэхналагічных нішах аўтобуса і не быў задэклараваны.
Аўтобус, якім кіраваў грамадзянін Польшчы, прыбыў у пункт пропуску "Брэст" з Польшчы.
У у арцы над колам і ў нішы за сістэмай астуджэння мытнікі выявілі больш за 200 кг сыру. Пасля гэтага яны агледзелі транспарт з дапамогай інспекцыйна-надгляднага комплексу. І ў месцы для адпачынку кіроўцы за фальшывай сценкай знайшлі яшчэ 250 кг сыру.
Тавар і аўтобус 2006 года выпуску канфіскаваныя. Іх агульны кошт складае амаль 150 тысяч рублёў.
