Брэсцкае “Дынама” разграміла “Нафтан”

Брэсцкае “Дынама” разграміла “Нафтан”

21 кастрычніка прайшлі два матчы 26 тура чэмпіянату Беларусі па футболе сярод каманд вышэйшай лігі. Наваполацкі “Нафтан”, сёлетні аўтсайдэр, прымаў на сваім полі брэсцкае “Дынама”, якое імкнецца да 4 месца, і саступіў яму з лікам 0:4. Хімікі маюць усяго 9 ачкоў і займаюць апошні радок у турнірнай табліцы. Брэсцкае “Дынама” мае 41 ачко і займае 7 месца, але мае ўсе шансы ўзняцца вышэй.

Сёння ж “Нёман” прымаў “Гомель” і разграміў гасцей з лікам 3:0. Гродзенцы займаюць 5-е месца, а гамяльчане — 10-е.

Раней у рамках 26 тура згулялі “Крумкачы” і “Гарадзея” — 0:3.

Заўтра, 22 кастрычніка, пройдуць наступныя матчы: “Дынама” (Мінск) — “Славія”, “Слуцк” — “Іслач”, “Віцебск” — “Шахцёр”. Скончыцца тур у панядзелак, 23 кастрычніка, матчамі “Дняпро” — БАТЭ і  “Тарпеда-БелАЗ” — “Мінск”.

Апошнія навіны

Галоўнае

Выбар рэдакцыі