Больш чым тысяча беларусаў страціць права голасу на эстонскіх мясцовых выбарах
![Эстонія, Талін / pixabay](/sites/default/files/styles/gallery_main/public/2023-08/estonia-3737128_1920.jpg.webp?itok=rgcsWQWH)
Эстонія, Талін / pixabay
Больш чым тысяча грамадзян Беларусі страціць права голасу на мясцовых выбарах у Эстоніі. Гаворка ідзе пра беларусаў, якія маюць пастаяны від на жыхарства ў краіне.
Акрамя беларусаў права голасу на мясцовых выбарах страцяць і грамадзяне РФ, якія пастаянна жывуць у Эстоніі — гэта больш за 67 тысяч чалавек.
Эстонскае выданне ERR адзначае, што грамадзяне Беларусі і Расіі ў сярэднім радзей карысталіся правам голасу на выбарах у органы мясцовага самакіравання, чым грамадзяне Эстоніі.
Напрыклад, яўка на апошніх мясцовых выбарах у кастрычніку 2021 года склала 54,7%. Пры гэтым яўка грамадзян Беларусі — 49,5%, грамадзян Расійскай Федэрацыі — 42,5%.
Раней у Эстоніі забаранілі валоданне зброяй для грамадзян Беларусі і Расіі. Раней выдадзеныя ліцэнзіі ануляваліся, а саму зброю прадпісвалася здаць.
Беларусы і расіяне — гэта больш чым палова ад агульнай колькасці жыхароў з грамадзянствам трэціх краін, якія маюць права на пастаяннае пражыванне ў Эстоніі. Гаворка ідзе пра краіны, якія не ўваходзяць у ЕС і АЭЗ.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.