"Белавія" вылецела па беларусаў, якія змаглі ўчора пакінуць сектар Газа
![Самалёт "Белавія"](/sites/default/files/styles/gallery_main/public/2023-09/belavia0_12_09.jpg.webp?itok=2E8LAAXi)
Самалёт "Белавія" / @belavia_official
З Беларусі ў Егіпет вылецеў спецыяльны гуманітарны рэйс "Белавія", які павінен даставіць у Мінск беларусаў і членаў іх сем'яў, які напярэдадні здолелі выбрацца з сектара Газа. Нагадаем, гаворка ідзе пра 43 грамадзян.
На борце самалёта знаходзяцца медыкі і псіхолагі МНС Беларусі. "З сабой бяром укладкі для аказання амбулаторнай і неадкладнай дапамогі, а таксама абсталяванне для маніторынгу і дыягностыкі захворванняў", — расказаў перад вылетам прадстаўнік МНС.
Нагадаем, раней "Белавія" арганізавала гуманітарны рэйс у Ізраіль — ён быў платным. Кошт квітка для ахвочых пакінуць тэрыторыю, дзе ідзе вайна, склаў $550. На борце было 117 пасажыраў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.