Беларусы запісалі ролік тэхна з голасам Марыі Калеснікавай
Выйшаў ролік тэхна з голасам Марыі Калеснікавай / bopromo
"Мы будзем дзяўбаць" — з'явіўся ролік тэхна з голасам палітзняволенай Марыі Калеснікавай.
Аўтары апісваюць трэк як "энергічны acid-techno маніфест, які нагадвае, як беларусы змагаюцца за свабоду".
Гэта першы запіс са зборніка беларускай электроннай музыкі. У праекце ўдзельнічаюць 13 прадзюсараў. Рэліз запланаваны на 19 лютага.
"Мне б хацелася, каб кожны беларускі дыджэй знайшоў у гэтым зборніку трэк, якім ён будзе маркіраваць сябе за дыджэйскім пультам як беларускага артыста. А мару я, каб наша беларуская грува гучала на сусветных клубных і фестывальных пляцоўках. І невялікі спойлер: мы ўжо пачалі працу над выпускам зборніка Belarus Outside Sound System на вініле", — распавёў у інтэрв'ю reform.by прадзюсар праекта Аляксандр Багданаў (Papa Bo Selektah).
Даход ад праслухоўванняў і распаўсюду зборніка пойдзе фонду BYSOL.
