Вы тут

Беларускі чыноўнік узяў хабар валторнай

Музычны інструмент валторна з пяску / pixabay.com

Міліцыяй затрыманы намеснік старшыні Дзяржынскага райвыканкама. Яго падазраюць у хабарніцтве, распачатая крымінальная справа. Як інфармуе ў Telegram прэс-служба Следчага камітэта, следства мае дадзеныя, што чыноўнік лабіраваў інтарэсы прадстаўніка камерцыйнай арганізацыі. За гэта ён "сістэматычна атрымліваў незаконныя ўзнагароджанні". Сілавікі даведаліся, што ў якасці хабару чыноўніку, сярод іншага, перадалі швейцарскі гадзіннік і музычны інструмент — валторну.

Намеснік старшыні райвыканкама застаецца за кратамі, з ім працуюць следчыя. Яны высвятляюць усе эпізоды супрацьпраўнай дзейнасці чыноўніка.