Беларускі баксёр, які хутка размяняе пяты дзясятак, пазмагаецца за пояс WBO

Беларускі баксёр-ветэран пазмагаецца за пояс інтэркантынентальнага чэмпіёна свету ў версіі WBO. Гэты тытул з’яўляецца прыступкай да паўнавартаснага поясу чэмпіёна свету сярод прафесіяналаў.

Плануецца, што двубой пройдзе ў Велікабрытаніі супраць аднаго з вядомых мясцовых байцоў. Пра гэта вядомы беларускі трэнер па боксе Канстанцін Маханькоў распавёў на прэс-канферэнцыі ў Мінспорту:

“Бачны прыклад Сяргея Хаміцкага, які ў 39 год баксіруе на сусветным узроўні і зараз рыхтуецца да бою за званне інтэркантынентальнага чэмпіёна свету ў версіі WBO”.

Еўрарадыё: Ці магчыма выступаць на высокім узроўні ў такім узросце?

Канстанцін Маханькоў: “Пры збалансаваным адпачынку і цяжкай працы магчыма і да 50 баксіраваць на высокім узроўні”.