Беларуская эканоміка ў студзені страціла амаль 17 тысяч працаўнікоў
![Беларуская эканоміка ў студзені страціла амаль 17 тысяч працаўнікоў / pixabay.com](/sites/default/files/styles/gallery_main/public/2023-08/hand-65688_960_720.jpg.webp?itok=otDVN9xu)
Беларуская эканоміка ў студзені страціла амаль 17 тысяч працаўнікоў / pixabay.com
У студзені 2023 года ў Беларусі было звольнена амаль 17 тысяч чалавек "чыстымі". Белстат паведамляе, што адток кадраў склаў 16,7 тыс. супрацоўнікаў і гэта самы вялікі паказчык за папярэднія 7 месяцаў. У траўні мінулага года эканоміка страціла 19,2 тыс. чалавек.
У 2022-м толькі тройчы прынятых на працу было больш, чым звольненых: у лютым — плюс 1,7 тыс., у жніўні — плюс 4,4 тыс. і ў кастрычніку — плюс 1,2 тыс.
У зніжэння занятасці ёсць некалькі прычын: дэмаграфічныя праблемы — насельніцтва старэе, эканоміка знаходзіцца пад санкцыйным ціскам, губляе традыцыйныя рынкі збыту, і рост міграцыі – з краіны з’язджаюць не толькі спецыялісты, але і цэлыя бізнэсы, пералічвае праект "Кошт урада".
![Беларуская эканоміка ў студзені страціла амаль 17 тысяч працаўнікоў](/sites/default/files/styles/default_image_paragraph/public/paragraphs/image/photo_2023-03-19_14-47-54.jpg.webp?itok=8g1Jlhj8)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.