Беларусь збірае гуманітарную дапамогу ў Пакістан

Беларусь акажа гуманітарную дапамогу Пакістану на суму ў 360 тысяч долараў. Пра гэта гаворыцца ва ўрадавай пастанове, апублікаванай на Нацыянальным прававым інтэрнэт-партале.

У краіну накіруюць дызель-генератар, бензінавыя помпы, палаткі, коўдры, абеззаражвальнікі вады, адзенне для дзяцей і дарослых, шэраг лекавых сродкаў, антысептыкі, медыцынскія пальчаткі, рэспіратары, бінты, сурвэткі і эластычныя стужкі. За фарміраванне грузу адказваюць канцэрн "Беллегпрам", Мінаблвыканкам, а таксама два Міністэрствы — аховы здароўя, па надзвычайных сітуацыях.

Грошы на выдзяленне гэтай дапамогі павінен знайсці Мінфін — вылучыць бюджэтныя сродкі, якія прадугледжаны на пераадоленне стыхійных бедстваў, аварый і катастроф.

У красавіку Аляксандр Лукашэнка сустракаўся з паслом Пакістана ў Беларусі Саджадам Хайдэрам Ханам — абмяркоўвалі перспектывы супрацоўніцтва. Лукашэнка казаў, што зацікаўлены ў стварэнні сумесных вытворчасцей у Пакістане.