Беларусь узгадніла графікі пастаўкі расійскай нафты на ліпень

Беларусь узгадніла графікі пастаўкі расійскай нафты на ліпень

Беларусь узгадніла графікі паставак расійскай нафты на ліпень гэтага года, паведамляе Interfax.by са спасылкай на прэс-службу ўрада. Узгадненне графікаў адбылося падчас перамоваў паміж кіраўніцтвам канцэрна “Белнафтахім” і Міністэрства энергетыкі Расіі.

Паводле інфармацыі ўрада, графікі ўзгодненыя з усімі расійскімі нафтавымі кампаніямі. Беларускія нафтаперапрацоўчыя заводы працуюць у планавым рэжыме, а перамовы пра далейшыя пастаўкі нафты будуць працягнутыя.

У сярэдзіне чэрвеня Мінэнерга Расіі разаслала нафтавым кампаніям графік экспарту нафты ў Беларусь у трэцім квартале — прадугледжвалася скарачэнне паставак з 5,3 мільёна тон да 3,5 мільёна тон. Расійскія ўлады тлумачылі гэтае скарачэнне даўгамі Беларусі за пастаўлены газ і недапастаўкамі нафтапрадуктаў. Затым у канцы чэрвеня пазіцыя Расіі змянілася: кіраўнік “Газпрама” Аляксей Мілер заявіў, што пытанне запазычанасцяў за газ — гэта тэма разбіральніцтва паміж беларускімі суб’ектамі гаспадарання — “Гаспрам трансгаз Беларусь” і размеркавальнымі кампаніямі, а сама краіна пры гэтым нічога не вінная Расіі.

Апошнія навіны

Галоўнае

Выбар рэдакцыі