БАТЭ прайграў "Энергетыку-БДУ"
"Энергетык-БДУ" — БАТЭ / t.me/fcbatebarysau/
3 кастрычніка БАТЭ на барысаўскім гарадскім стадыёне прайграў "Энергетыку-БДУ" — 0:1. Гэта быў перанесены матч 17-га тура чэмпіянату Беларусі па футболе ў вышэйшай лізе. Адзіны гол на 17-й хвіліне забіў Максім Амельянчук.
У першынстве лідыруе мінскае "Дынама" — 51 ачко, у "Нёмана" — 48.
БАТЭ няўдала правёў тры апошнія матчы: два паражэнні і адна нічыя. Барысаўчане захоўваюць шанцы на бронзу.
Матчы 24-га тура стартуюць 6 кастрычніка.
