БАТЭ атрымаў валявую перамогу ў Брэсце

Па выніках пятага тура ў вышэйшай лізе чэмпіянату Беларусі па футболе па-ранейшаму ўпэўнена лідыруе мінскае "Дынама" — 15 ачкоў. У "Шахцёра" і "Тарпеда-БелАЗ" — па 10 (і па адной гульні ў запасе), у "Іслачы" — 9, у БАТЭ — 8 ачкоў.

У нядзелю барысаўчане атрымалі валявую перамогу ў гасцях над брэсцкім "Дынама" — 2:1 (забілі два галы ў другім тайме, гуляючы ў меншасці). Дарэчы, дынамаўцы забілі свой першы гол у першынстве толькі ў пятым туры. Яны па-ранейшаму не маюць ачкоў і займаюць апошняе месца.