Аўтазакі і агароджы — у Маскве рыхтуюцца развітацца з Навальным
![Сілавік дзяжурыць на даху дома побач з царквой, дзе пройдзе адпяванне Аляксея Навальнага](/sites/default/files/styles/gallery_main/public/2024-03/nav_1_03.jpg.webp?itok=456TRbde)
Сілавік дзяжурыць на даху дома побач з царквой, дзе пройдзе адпяванне Аляксея Навальнага / АР
На паўднёвым усходзе Масквы з раніцы назіраецца вялікая колькасць паліцыі — сёння ў Храме іконы Божай Маці "Спаталі мой смутак" пройдзе адпяванне палітыка Аляксея Навальнага. "У Мар'іна за 5 гадзін да адпявання ўжо выстаўленыя пасты і ачапленне паўсюль каля царквы", — цытуе мясцовых жыхароў рэсурс "Осторожно новости".
Па дарозе ад метро Мар'іна да храма, дзе павінна прайсці адпяванне, сілавікі правяраюць дакументы і асабістыя рэчы мінакоў, паведамляе "Медиазона". Акрамя таго, па дарозе ад метро да храма ўсталяваны калідор з металічных агароджаў. Ля царкве бачная вялікая колькасць аўтазакаў і паліцэйскіх аўтамабіляў. Маюць месца перабоі ў працы мабільнага інтэрнэту. Але людзі патроху пачынаюць збірацца.
Паліцыя дзяжурыць і ля барысаўскіх могілак, дзе павінны пахаваць палітыка.
Нагадаем, Аляксей Навальны раптоўна памёр 16 лютага ў калоніі пад Нарыльскам. Незалежныя эксперты і заходнія палітыкі ўскладаюць адказнасць за смерць Навальнага на расійскія ўлады. Дадамо, што раней паплечнікі Навальнага скардзіліся на праблемы пры арганізацыі пахавання. У прыватнасці, па іх словах, ні адзін катафалк не згаджаўся везці цела палітыка ў царкву на адпяванне. Таксама ім не ўдалося зняць пахавальную залу для развітання з палітыкам.
![Автозаки и ограждения — в Москве готовятся проститься с Навальным](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-03-01%20114647.png.webp?itok=bp2wNv4i)
![Автозаки и ограждения — в Москве готовятся проститься с Навальным](/sites/default/files/styles/default_image_paragraph/public/paragraphs/image/nav_1_03_2.jpg.webp?itok=knTWg52m)
![Автозаки и ограждения — в Москве готовятся проститься с Навальным](/sites/default/files/styles/default_image_paragraph/public/paragraphs/image/nav_1_03_3.jpg.webp?itok=FY3FK8aJ)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.