Apple не раскрыла беларускім спецслужбам дадзеныя пра 110 акаўнтаў
Apple не раскрыла беларускім спецслужбам дадзеныя пра 110 акаўнтаў. Пра гэта сведчыць "справаздача аб празрыстасці" амерыканскай кампаніі за першую палову 2018 года. У ёй згадваецца адзін запыт з Беларусі.
А вось у мінулым годзе падобныя запыты беларускіх праваахоўнікаў былі задаволеныя. У першай палове 2017-га былі два запыты наконт 18 прыладаў і пра сем фінансавых ідэнтыфікатараў карыстальнікаў. У другой палове мінулага года зноў прыйшлі два запыты ад сілавікоў з Беларусі і Apple раскрыла дадзеныя пра адно прыстасаванне ды адзін уліковы запіс.
