Апеляцыйны суд у Бялградзе разгледзеў справу беларуса Андрэя Гнёта
Акцыя ў падтрымку Андрэя Гнёта каля суда / facebook.com/anna.matsiyeuskaya
27 жніўня Апеляцыйны суд у Бялградзе разгледзеў справу беларуса Андрэя Гнёта. Пасяджэнне скончанае, але рашэння — экстрадуюць палітуцекача ў Беларусь ці не — давядзецца чакаць да 30 дзён. Суд будзе разглядаць атрыманыя матэрыялы.
Гнёт — рэжысёр тэлерэкламы і музычных кліпаў, а таксама сузаснавальнік Свабоднага аб'яднання спартоўцаў SOS BY, якое ў РБ аб'явілі "экстрэмісцкім фармаваннем". Ён пакінуў Беларусь па палітычных матывах. У кастрычніку 2023-га яго затрымалі ў Сербіі паводле ордара Інтэрпала: рэжым Лукашэнкі абвясціў Гнёта ў міжнародны вышук, абвінаваціўшы ў нявыплаце падаткаў.
Сем месяцаў палітуцякач правёў у сербскай турме, потым яго перавялі пад хатні арышт. Вярхоўны суд Сербіі пастанавіў экстрадзіраваць Андрэя Гнёта ў Беларусь, але ён з адвакатам абскардзіў гэтае рашэнне. У абарону Гнёта выступілі разнастайныя беларускія і міжнародныя арганізацыі.
Нядаўна Андрэй Гнёт быў у эфіры Еўрарадыё.
