Анджэй Дуда: Польшча не забудзе ролю Шушкевіча ў распадзе Савецкага Саюза

Анджэй Дуда: Польшча не забудзе ролю Шушкевіча ў распадзе Савецкага Саюза

Прэзідэнт Польшчы Анджэй Дуда адгукнуўся ў сацсетках на смерць Станіслава Шушкевіча. Ён адзначыў вялікую ролю беларускага палітыка ў распадзе СССР.

"З глыбокім шкадаваннем развітваюся са Станіславам Шушкевічам, першым лідарам і айцом незалежнай Беларусі. Польская Рэспубліка ніколі не забудзе яго ролю ў распадзе ў 1991 годзе Савецкага Саюза і стварэнні свабоднай Беларусі, Украіны ды іншых дзяржаў", — напісаў Дуда.

Першы кіраўнік незалежнай Рэспублікі Беларусь Станіслаў Шушкевіч памёр у ноч з 3 на 4 траўня на 88-м годзе жыцця. Перад гэтым ён хварэў на каранавірус і цяжка пераносіў ягоныя наступствы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі