Амерыканская кампанія хоча зрабіць бясплатны інтэрнэт для ўсіх зямлян
Такім амбіцыйным, калі не сказаць фантастычным, праектам вырашыў заняцца "Інвестыцыйны фонд развіцця медыя".
Яго спецыялісты абяцаюць, што дзякуючы сетцы Outernet ужо праз год любы карыстальнік зможа з любога месца на Зямлі, у любы час атрымаць паўнавартасны доступ да ўсіх рэсурсаў інтэрнэта. І пры гэтым людзям не трэба будзе думаць пра аплату трафіка.
У планах кампаніі запуск на вышыню ў 200 кіламетраў міні-спадарожнікаў, якія будуць атрымліваць дадзеныя з наземнай станцыі і трансляваць іх па ўсім свеце з дапамогай Wi-Fi. На студзень 2015-га запланаваны запуск і тэставанне групы спадарожнікаў, а ў чэрвені сетка Outernet мусіць запрацаваць.
Ініцыятары праекта падкрэсліваюць, што яны хочуць прадэманстраваць усім: інтэрнэт здольны абыйсці цэнзуру, захаваць ананімнасць, даць доступ да бясплатнай інфармацыі для ўсіх жыхароў нашай планеты.
Фота — Fotolia
