Алег Дулуб сфармаваў новы трэнерскі штаб БАТЭ
Новы галоўны трэнер барысаўскага футбольнага клуба БАТЭ Алег Дулуб вызначыўся са сваім трэнерскім штабам. Як паведамляе БЕЛТА, яго асістэнтамі будуць Дзмітрый Молаш, Васіль Хамутоўскі, Аляксандр Граноўскі і Аляксей Бага. Апошні ўваходзіў у трэнерскі штаб былога настаўніка БАТЭ Аляксандра Ермаковіча, які цяпер пераходзіць у трэнерскую групу маскоўскага ЦСКА.
Пра новую пасаду Алега Дулуба стала вядома ўчора, 5 студзеня. Вядомы спецыяліст працаваў з многімі беларускімі клубамі, у тым ліку з “Крумкачамі”, якіх за рэкордныя тэрміны вывеў у вышэйшую лігу. Апошнія два гады Дулуб працаваў з украінскімі клубамі “Карпаты” і “Чарнаморац”.
